Aatma aur Moksha!!
bhigi ret si is zindgi par ..
saanp saa sarakta jaa raha tha main...
mitti par ubharti wo benaam lakiirein ...
kuch uljhi hui si aapas mein gunthii thi...
jinhein har baar dekhne par ek nayaa hi aakaar ban jaata tha ...
shaklein bahut ban rahi hongi shaayad ..
par bas kuch ko hi dekh paa raha tha main..
chalaa jaa raha tha main...
yeh kahaan jaa raha tha main...
kabhi kabhi paani ki koi leher..
kuch lakiiro ko mita bhi deti thi ..
kuch lakiiro ko bach jaane kaa gumaa hota..
to kuch ko mit jaane ki khushi...
par is banne bigadne ke khel mein ...
haar to sadaa meri hi thi...
phir bhi apni nishaani ko mitata..
bas chala jaa rha tha main...
yeh kahaan jaa raha tha main...
phir ek din gaur se jab maine dekha...
to kuch peeche ki lakiirein saamne se aati dikhiin..
wahi maile kuchaile raaste wahi uljhi hui shaklein..
un jaane pehchaane raaston pe aake bhatakne kaa andesaa hua mujhe..
manzil naa jaane kab ki kho gayi thi..
aur raaste baar baar wahin le jaa rahe the..
lekin in waakif raasto pe chalne mein ajab kaa sukoon tha..
inmein naa to khone kaa darr tha..
aur naa dhoondhne ki shiiddat..
aur tab se manzilon ko bhula bas..
chalaa jaa raha hoon main...
par ab yakeen hai mujhe ki..
kahaaan jaa raha hoon main...
posted by nuts_oops @ 10:42 PM
8 Comments:
Waah...kya baat hai..! Fundoo likhi hai ekdum. Very nice imagery and metaphors...mazaa gaya. Gehraayi hai baat mein..isliye dobara kahoonga, write more frequently. (Ab ISB mein kitna waqt milega yeh pata nahin...:-(
- V
Maan gayee bhaiii
Maan gayee bhaiii
Kavitayen seedhe dil se likhi jati hain mera aisa manna hai. Har kavita aapke jeevan ke kisi pahlu ko ujagar karti hai. Aapki kavita padhkar jo mahsus hua Shabdon main vyakat kar pana asambhav hai phir bhi kahna chahungi apne andar jal rhai aag ko kabhi bujhne mat diziyega. Zindagi mushkil hai aur raste bhi par jo kathin raston par chalta hai jeet antat unhi ki hoti hai. so keep writing and moving
who are u ...Pari??
But anyway! thanks for the comments!
kuch lakiiro ko bach jaane kaa gumaa hota..
to kuch ko mit jaane ki khushi...
jo kavita jahan me ghulati ajye aur ek tarveer bana ke rakh de wo phir bas ek kavita nahi rahti es ahasas ban jati hai kahin na kahin padne wala bhi jud jata.. dund pata hai kuch apna sa...
aapki kavita ki pad kar aisa hi laga...
i would like to ask abt the choice of title... why its aatma n moksh...may i ?
ultimate....dhundte hue manzil ko mein khud ko bhool gaya...dhundne chala khud ko toh manzil bhool gaya...ghumta raha itna...ki kahan jana hai bhool gaya...yaad raha yakeenan kahan jana hai..kyun jana jane kyun bhool gaya....
Post a Comment
<< Home